11:50 pm - Sunday 01 August 2021
21°C
Tiranë

Liria pjesëmarrëse nga Kosova në Kupën e Pavarësisë

Paradoks | 14:05 - 25.11.2017

Korça është zgjedhur nga Federata Shqiptare e Futbollit për të zhvilluar finalet e Kupës “Pavarësia”, që do të zhvillohet të martën në datë 28 nëntor.

Më parë ky aktivitet sportiv ishte zhvilluar në Durrës dhe Tiranë, ndërsa këtë vit është zgjedhur qyteti juglindor.

Sipas njoftimit zyrtar të Federatës së Futbollit, gjithçka është gati dhe të martën e 28 nëntorit, të 4 skuadrat do të luajnë mes tyre për për trofeun “Pavarësia”:

“Sikundër edhe çdo edicion, edhe këtë radhë FSHF organizon kupën “Pavarësia”, një traditë e nisur vite më parë, me pjesëmarrjen e katër skuadrave: Tirana, Otrant (Ulqin), Struga dhe Liria e Prizrenit.

Këtë radhë u vendos që ky aktivitet të luhet në qytetin e Korçës, duke respektuar një shpërndarje gjeografike të përçdovitshme.

Çiftet do të ndahen me short një ditë përpara, teksa ndeshjet do të jenë me nga 45 minuta, dhe finalja do të luhet në stadiumin e qytetit të Korçës.

Në fund do të jepet trofeu për fituesin e kupës, çmimi Fair-Play dhe lojtari më i mirë i kupës”-thuhet në njoftimin e FSHF

Pjesëmarrës çdo vit në këtë aktivitet janë katër ekipe nga trevat shqiptare, të cilat përballen mes tyre në fazën gjysmëfinale dhe finale, për trofeun.

Një vit më parë ekipi i Kukësit ishte fitues i këtij trofeu, ndërsa më herët është fituar dhe nga: Otranti i Ulqinit, Shkëndija e Tetovës, Flamurtari i Vlorës etj.


Etiketa: