09:39 pm - Wednesday 11 December 2019

An error has occurred with the ICIT Weather Widget, if the issue persists through refreshing please contact the site administrator.

Haradinaj pas takimit me Mogherinin: Kosova do të marrë atë që i takon

Paradoks | 22:15 - 18.12.2017

Kryeministri i Kosovës, Ramush Haradinaj, ka zhvilluar një takim, së bashku me kryeministrat e shteteve të Ballkanit Perëndimor, me përfaqësuesen e lartë të BE-së, Federica Mogherini.

Pas këtij takimi, Haradinaj ka thënë se Kosova do të marrë atë që i takon, por që s’ka dhënë ndonjë detaj se për çfarë e kishte fjalën.

“Takova në selinë e BE-së Përfaqësuesen e Lartë për Punë të Jashtme dhe Politika të Sigurisë, Federica Mogherini, me të cilën biseduam miqësisht për proceset, të cilat po i kalon Kosova. Kosova do të marrë atë që i takon”, ka thënë Haradinaj në Facebook.

Kujtojmë se në takimin e fundit mes Haradinajt dhe Mogherinit në Bruksel, kjo e fundit është raportuar ta ketë lëshuar takimin e zemëruar.

Mbase ky zemërim po vazhdon ende pasi që në fotografitë që Mogherini i ka postuar me liderët tjerë të shteteve të Ballkanit Perëndimor shfaqet e qeshur, ndërsa në atë me Haradinajn më “serioze”.

Ndërkohë gjatë fotografimit me Ramushin vihet re se në sfond nuk ishte i vendosur flamuri i Republikës së Kosovës, por vetëm dy flamuj të Bashkimit Europian!


Etiketa: